Rritja e çmimeve të gazit, energjisë elektrike, naftës dhe gjërave të tjera janë arsyeja kryesore pse çmimet e restoranteve janë rritur në Austri.
Kështu, në provincën e Salzburgut, qytetarët përballen me çmime të papara për pjatën më të preferuar – biftekun vjenez.
Deri në mesjavë, në restorantin “Kuglhof”, një biftek vienez kushtonte 12.90 euro, dhe një birrë e vogël 3.80.
Tani çmimi i këtij kombinimi po i afrohet shumës prej 20 euro, transmeton B92.
Presidenti i Shoqatës së Kujdestarëve të Salzburgut, Ernst Piringer, thotë se pronarët e restoranteve nuk kanë zgjidhje tjetër veçse të rrisin çmimet.
“Çmimet janë galopante. Rritja e çmimeve, e cila tashmë është përfshirë në çmime, është vetëm rregullimi i parë i nevojshëm i çmimeve,” shpjegoi ai.
Piringer thotë se në krahasim me marsin e vitit të kaluar, ushqimet e ndryshme bazë si gjalpi dhe mielli janë rritur me mbi 40 për qind. Lufta në Ukrainë çoi në një rritje të mëtejshme të çmimit të ushqimit, por edhe të energjisë, tha ai.
Vetëm nafta është rritur në çmim me të paktën 40 për qind që nga fillimi i vitit. Problemi, shton ai, është se vajrat dhe yndyrnat lidhen me çmimin e karburantit.
Përveç kësaj, çmimi i gjevrekut dhe vezëve u rrit me 12 për qind në një periudhë të shkurtër kohore, tha ai.
Çmimi i mishit të derrit u rrit me rreth pesë për qind.
Piringer thotë se së shpejti do të jetë e vështirë të gjesh një biftek vjenez dhe një birrë të vogël për nën 17 euro.
Foto: Wikipedia (Ilustrim)
