Numri i rasteve në Zvicër aktualisht është ende i lartë. Sipas Patrick Mathys, Shefi i Menaxhimit të Krizave dhe Bashkëpunimit Ndërkombëtar në Zyrën Federale të Shëndetit Publik (BAG), rreth 10 përqind e popullsisë janë ende bartës të mundshëm të virusit, të cilët mund të jenë ngjitës.
Megjithatë, që nga 1 Prilli, detyrimi për të mbajtur maskë në transportin publik do të bjerë. Në politikë ndahen opinionet nëse është herët për lehtësimin e fundit, transmeton albora.ch.
Sipas Patrick Mathys, pavarësisht numrit të lartë aktualisht të rasteve, një ulje e ndjeshme e infeksioneve mund të pritet në muajt në vijim. Falë nivelit të lartë të imunitetit, tani mund të lejohen një numër i madh i rasteve pa rrezikuar që institucionet shëndetësore të mbingarkohen sërish.
Sipas mjekut të kantonit Rudolf Hauri, qeveria federale dhe kantonet do të merren intensivisht me situatën dhe masat këtë javë. Situata normale do të zbatohet sërish nga 1 prilli, për herë të parë në më shumë se dy vjet.
Detyrimi për të mbajtur maska në transportin publik dhe në objektet e kujdesit shëndetësor, si dhe kërkesa për izolim për pesë ditë në rast të një infeksioni C ovid, do të përfundojë më 1 prill.
Opinionet politike janë të ndara për kohën. Për Këshilltaren Kombëtare të FDP, Regine Sauter nga Cyrihu, hapi vjen pikërisht në momentin e duhur. “Po, do të thosha se është koha dhe situata të lejon të kthehesh në normalitet”./albora.ch/
