Gjatë ditës së sotme u bë e ditur se shqiptari Adem Qorri nga Drenica ka ndërruar jetë në mënyrë tragjike në Shtetet e Bashkuara të Amerikës, shkruan Albora.ch
Deputetja e Partisë Demokratike të Kosovës në Kuvendin e Kosovës, Blerta Deliu ka treguar se familja e Adem Qorrit po kërkojnë ndihmë për organizimin e funeralit për ta varrosur në Kosovë.
Këtë e ka bërë të ditur Deliu përmes një postimi në Facebook.
Postimi i plotë:
Lutje,
Adem Qorri humbi jetën tragjikisht në përpjekje për të shpëtuar një vogëlush nga mbytja në Florida të SHBA-së. Guximi i tij mbetet i pashoq, ashtu siç është fisnik flijimi i tij.
Në kohën kur po bëhen përgatitje për organizimin e funeralit për ta varrosur në Kosovë, gruaja dhe tre fëmijet e tij kanë nevojë për ndihmë për të përballuar shpenzimet e funeralit.
Në këtë kohë të vështirë për familjen Qorri, çdo donacion i juaji do të jetë shumë i vlerësuar 🙏