Uk Lushi, publicist, ish-luftëtar i UÇK’së thotë se presidenti i Rusisë, Vladimir Putin dhe ai i Serbisë Aleksandar Vuçiq kanë një plan për të destabilizuar veriun e vendit.
“Po ka plan dhe ka bashkëpunim në mes të Vuçiqit dhe Putinit dhe sipas këtij plani, diku rreth 60 ushtarakë rusë kanë koordinuar aktivitetet nëpërmjet qendrës në Nish me serbët vendas në veriun e Kosovës”, thotë Lushi.
Ai poashtu tha se ka mundësi që të bëjnë një mobilizim të caktuar edhe ushtarak i cili do të koordinohet nga këta ushtarakë rusë dhe mandej ata të paraqiten si një lloj mbrojtje territoriale e brendshme e tri komunave në veri dhe pastaj mund të ketë incursion.
Lushi tha se informacionet i ka nga inteligjenca europiane derisa sipas tij për këtë janë të informuara edhe autoritetet në Kosovë.
“Ky është natyrisht vetëm një plan mirëpo ekziston dhe shërbimet që duhet t’i dinë këto punë i dinë dhe me sa kam unë informacione janë informuar edhe shërbimet e Kosovës, edhe Ministria e Mbrojtjes edhe qeveria e Kosovës. Është një shërbim në Europën Lindore, një shërbim në Europën Perëndimore dhe një shërbim i fuqishëm që i di planet e Vuçiqit dhe Putinit”, tha Lushi për televizionin publik të Kosovës./albora.ch/
