Konflikti Rusi-Ukrainë rriti çmimet e naftës sot. Në mëngjes, një fuçi (159 litra) Brent në Detin e Veriut kushtonte 97.63 dollarë amerikanë. Kjo ishte 2.24 dollarë më shumë se një ditë më parë.
Ndërkohë, çmimi i këtij varieteti ka arritur nivelin më të lartë që nga viti 2014. Çmimi i një fuçie të varietetit amerikan WTI u rrit me 3,60 dollarë në 94,67 dollarë, transmeton albora.ch.
Përshkallëzimi i konfliktit midis Rusisë dhe Ukrainës çoi në një rrëshqitje të vazhdueshme në tregjet e aksioneve. Indeksi i tregut zviceran e filloi ditën me rënie 1.5 për qind. Indeksi kryesor gjerman humbi 2.23 për qind. Indeksi kryesor i Eurozonës EuroStoxx 50 ra me 2.12 për qind.
Bursa ruse reagoi gjithashtu me ndjeshmëri ndaj zhvillimeve të fundit në konfliktin me Ukrainën: indeksi kryesor në bursën e Moskës, RTS i llogaritur në dollarë, humbi 9.9 për qind në fillim të tregtimit dhe më pas vazhdoi të bjerë. Indeksi i bazuar në rubla MOEX ra me 8.5 për qind në fillim të tregtimit dhe më pas vazhdoi të humbasë terren./albora.ch/
