Sot Japonia bëri të ditur se do të lehtësojë kontrollet e saj të ashpra kufitare për COVID-19, duke rritur numrin e njerëzve që lejohen të hyjnë çdo ditë dhe duke reduktuar kërkesat e karantinës pas kritikave se politika e saj aktuale është joshkencore dhe ksenofobike.
Kreu i ekzekutivit japonez, Fumio Kishida, vuri në dukje se nga 1 marsi, kufiri ditor i hyrjes do të rritet në 5,000, duke përfshirë shtetas japonezë dhe rezidentë të huaj, nga 3,500 aktual.
Vendimi është një lajm i mirë për studiuesit e huaj, studentët dhe udhëtarët e biznesit që nuk kanë qenë në gjendje të hyjnë, por kjo nuk mbulon edhe turistët.
“Nuk është realiste të lehtësohen masat menjëherë,” u shpreh Kishida. Ai shtoi se Japonia do të vendosë se kur të fillojë të lejojë turistë të huaj, ndërsa gradualisht do të zgjerojë hyrjet e joturistëv, por nuk dha një afat kohor.
Tutje ai tha se kërkesat e karantinës për hyrjet me teste negative për COVID-19 dhe një injeksion përforcues do të shkurtohen në tre ditë nga shtatë ditët aktualisht, dhe ata nga zonat me pak raste Omicron mund të kalojnë izolimin.
Japonia ka ndaluar pothuajse të gjithë hyrjen e të huajve jorezidentë që nga fillimi i pandemisë./albora.ch/
