Industria zvicerane vazhdoi rimëkëmbjen e saj në tremujorin e parë të 2022. Humbjet e një viti më parë nga pandemia tashmë janë kompensuar ndjeshëm në tremujorët e mëparshëm
Konkretisht, prodhimi në sektorin dytësor (prodhimi industrial) u rrit me 6,9 për qind në periudhën janar-mars 2022 krahasuar me të njëjtën periudhë të një viti më parë, njoftoi të premten Enti Federal i Statistikave (FSO), tranmeton Blick-u. Vlera është ndërmjet atyre të dy tremujorëve të fundit (TM4 +6.2%, T3 +8.3%).
Në industri (me përjashtim të ndërtimit), prodhimi u rrit me 7.9 për qind krahasuar me të njëjtin tremujor të vitit të kaluar, ku muaji më i mirë ishte muaji shkurt me +15.4 për qind. Në industrinë e ndërtimit, nga ana tjetër, ka një rënie prej 0.5 për qind. Ndërtimi i ndërtesave (+0.2%) ende ka arritur një plus të lehtë, ndërsa inxhinieria civile (-3.8%) pësoi një rënie të prodhimit. Në industrinë tjetër të ndërtimit (punime përgatitore në kantier, instalime ndërtesash etj.), prodhimi ra me 0.5 për qind.
Jo vetëm prodhimi, por edhe shitjet janë rritur ndjeshëm në tremujorin e parë, përkatësisht me 9.9 për qind krahasuar me periudhën korresponduese të një viti më parë. Vetëm industria shënoi rritje të shitjeve prej 11.1 për qind, ndërsa ndërtimi u rrit me 3.3 për qind.
Foto: Pixabay / Ilustrim
