Policia zvicerane ka sekuestruar më shumë se 500 kg kokainë të fshehur në kontejnerin e dërguar nga Brazili në fabrikën Nespresso në qytetin Romont.
Droga u zbulua nga punëtorët duke shkarkuar thasë me kokrra kafeje dhe policia u njoftua mbrëmjen e së hënës. Një kontroll i mëpasshëm i pesë kontejnerëve të transportit zbuloi më shumë se 500 kg kokainë, sipas një njoftimi të policisë të enjten. Vlera rrugore e drogës, pastërtia e së cilës ishte mbi 80%, vlerësohet në mbi 50 milionë CHF (50.7 milionë dollarë), transmeton swissinfo.ch.
Nga hetimet paraprake rezulton se këto kontejnerë transporti të ngarkuar me thasë me kafe kanë ardhur nga Brazili. Hetuesit dyshojnë se droga ishte e destinuar për tregun europian. Grupet u izoluan dhe substanca nuk ra në kontakt me asnjë nga produktet e përdorura në prodhim.
Prokuroria Publike e Kantonit të Friburgut ku ndodhet fabrika ka hapur një hetim. Policia për momentin nuk ka dashur të japë më shumë informacione.
FOTI: Ilustrim
