Gjykata Ndërkombëtare Penale ka nisur hetimet zyrtare për krimet e luftës në Ukrainën e pushtuar nga Rusia.
Këtë e ka bërë të ditur kryeprokurori Karim Khan të mërkurën në mbrëmje në Hagë. 39 shtete kontraktuese të GJNP-së kishin lëshuar një rekomandim përkatës, i cili bëri të mundur hetimet, përcjellë albora.ch.
Menjëherë pasi sulmi rus në Ukrainë filloi javën e kaluar, prokurori tha se po monitoronte nga afër situatën.
Sipas informacioneve, këto fillimisht kanë të bëjnë me krime të mundshme që janë kryer para pushtimit të Rusisë. Megjithatë, në funksion të përhapjes së konfliktit, hetimi sipas tij duhet të zgjerohet.
Ukraina nuk është palë në Gjykatën Penale Ndërkombëtare. Megjithatë, në deklaratat që nga nëntori 2013, vendi ka pranuar juridiksionin e gjykatës për të gjykuar krimet e luftës dhe krimet kundër njerëzimit në territorin e tij, sipas prokurorisë. Rusia nuk e njeh gjykatën./albora.ch/
