Kancelari gjerman Olaf Scholz tha se ai mendon se Gjermania do të jetë në gjendje të ndalojë importin e naftës ruse “këtë vit”, tha ai të premten.
Duke folur në një konferencë për shtyp me kryeministrin britanik Boris Johnson gjatë një vizite në Londër, Scholz tha se Gjermania “po punonte në mënyrë aktive” për t’u bërë e pavarur nga importet ruse të naftës. Kancelari gjerman tha se besonte se Gjermania do të ishte në gjendje t’i jepte fund importeve këtë vit, por shtoi se Gjermanisë do t’i duhej më shumë kohë për të hequr qafe gazin rus.
Përfundimi i importeve ruse të energjisë kërkon investime dhe infrastrukturë, tha Scholz, duke shtuar se Gjermania kishte përgatitur hapa për t’u bërë e pavarur nga importet ruse të energjisë “para se të fillonte lufta, sepse ne e dinim që ky problem do të dilte”./albora.ch/
