Burri që u qëllua për vdekje nga policia në fillim të kësaj jave kishte rrëmbyer një zyrtar të shquar të vaksinimit kunër Covid-19-ës dhe kishte lidhje me lëvizjen kundër vaksinave, transmeton sipas mediave sëissinfo.ch.
Gjermani 38-vjeçari gjerman u qëllua gjatë një arrestimi në ëallisellen, në periferi të Cyrihut, të mërkurën. Policia u detyrua të hapte zjarr pasi ai nxori pistoletën dhe qëlloi për vdekje një shoqëruese femër.
Policia zbuloi se i dyshuari ishte i kërkuar në lidhje me një incident rrëmbimi më 31 mars. Gazeta Tages Anzeiger raportoi të shtunën se viktima e rrëmbimit ishte e njohur si një figurë publike e lidhur me fushatën federale të vaksinimit. Mediat janë penguar të raportojnë më shumë detaje nga një vendim gjyqësor.
Viktima e rrëmbimit besohet se është mbajtur për disa orë më 31 mars dhe është kërcënuar me armë zjarri përpara se të lirohej. Rrëmbyesi i dyshuar dyshohet se kishte lidhje me njerëz që kishin besime të forta kundër vaksinës.
Disa media kanë raportuar për arrestimin e një 34-vjeçari në lidhje me këtë rast, i cili gjithashtu besohet se është një teoricien konspirativ kundër vaksinës.
Gjatë kulmit të pandemisë, kërcënimet ndaj zyrtarëve publikë u rritën në mënyrë dramatike, sipas statistikave të policisë federale.
“Në dy vitet e fundit kemi përjetuar radikalizim intensiv në Zvicër, gjithashtu në internet”, tha shkencëtari social dhe gazetari Marko Kovic për transmetuesin publik zviceran SRF, transmeton sëissinfo.ch.
“Prandaj nuk është për t’u habitur që ajo është përhapur në një akt dhune.”
