Këngëtarja Elsa Lila ka reaguar në rrjetet sociale pas performancës së mbrëmshme në Natën e dytë në “Festivalin e 61-të të Këngës” në RTSH. Në një foto-album në Instagram, këngëtarja falendëron të gjithë ata që i dhanë mbështetje.

Marketing

“Falemnderit të gjithëve për emocionin dhe dashurinë që po më jepni! Kjo është dhurata më e bukur ! Shihemi sonte në Natën e tretë”- shkruan Elsa Lila.

Elsa Lila është rikthyer sërish në “Fest 61” kësaj here pas plot 25 vitesh. Këngëtarja e njohur është mirëpritur me duartrokitje për performancën e saj. Kënga e saj titullohet “Evita”, të cilën e ka shkruar dhe kompozuar po vetë ajo. Elsa arriti të rrëmbejë edhe një herë vëmendjen me zërin e saj melodioz dhe potent ku menjëherë mori shumë duartrokitje të ngrohta.

Kënga “Evita” është një dedikim për të bijën e saj, e cila në fakt ndodhej në skenë duke ndjekur me plot emocion performancën e nënës së saj. Madje, kamerat e fokusuan të bijën e këngëtares dhe ishte rritur kaq shumë.

Kujtojmë se Elsa është rikthyer në muzikë sërish pasi u shpall e pafajshme pas akuzave për trafikim droge.

Elsa Lila u arrestua në mars te këtij viti dhe dyshohej për përfshirje në një organizatë kriminale.
Rikujtojmë se Elsa Lila është një figurë shumë e njohur për publikun shqiptar. Ajo ka kultivuar muzikën shqipe dhe italiane me elementet arbëreshe.

Ajo kishte treguar talentet e saj të këndimit dhe aktrimit që kur ishte fëmijë në emisionet televizive shtetërore shqiptare dhe fitoi konkursin kombëtar të këngëve shqiptare 2 vjet me rradhë ndërsa ishte në vitet e adoleshencës.

Elsa debutoi për herë të parë në festivalin më të madh të këngës italiane, Sanremo, në vitin 2003, ndërkohë që mori pjesë përsëri në Festivalin e Sanremos 2007.

Marketing