Sekretari amerikan i Shtetit, Antony Blinken, u shpreh se pajtohet me cilësimet e presidentit amerikan, Joe Biden se presidenti rus, Vladimir Putin është një kriminel lufte.
Sipas tij, nëse synohen civilët qëllimshëm, ky padyshim se është një krim lufte dhe bazuar në situatën e krijuar për tri javë, është e vështirë të thuhet se rusët nuk po kryejnë krime, raporton CNN.
“Ata i shtuan bombardimet e tyre me qëllimin për të thyer vullnetin e popullit. Dje, Presidenti Biden tha se sipas mendimit të tij, krime lufte janë kryer në Ukrainë. Personalisht, jam dakord. Synimi i qëllimshëm i civilëve është një krim lufte. Në fund të fundit, shkatërrimi i tre javëve të fundit, e kam të vështirë të konkludoj se rusët po bëjnë ndryshe. Pasojat e luftës së Moskës po ndjehen në mbarë botën”, u shpreh ai.
Sekrtari Blinken vuri në pah se ekspertët amerikanë janë në procesin e dokumentimit dhe vlerësimit të krimeve të mundshme të luftës në Ukrainë.
“Ne do të sigurohemi që gjetjet tona të ndihmojnë përpjekjet ndërkombëtare për të hetuar krimet e luftës dhe për t’i mbajtur përgjegjësit përgjegjës”, tha ai./albora.ch/
