Të paktën pesë persona kanë vdekur nga të shtënat në një kishë në Kaliforni. Përfshirë tre fëmijë nën moshën 15 vjeç. Sulmuesi mësohet se është babai i cili më pas ka qëlluar edhe veten.
Sipas raportimeve të mediave, një burrë qëlloi të paktën katër persona në një kishë në Sacramento, Kaliforni, dhe më pas vrau veten. Ndër viktimat ishin tre fëmijë, të gjithë nën moshën 15 vjeç, raportoi transmetuesi amerikan CNN. Mësohet se vrasësi është babai. Krimi ndodhi të hënën (me orën lokale), transmeton albora.ch.
Gazeta “Los Angeles Times”, duke cituar Sherifin e Qarkut Sacramento, Scott Jones, shkruante se krimi ndodhi gjatë një takimi të mbikëqyrur midis babait dhe fëmijëve në kishë. Vdekja e pestë thuhet të jetë një mbikëqyrës i rritur, citohet të ketë thënë një zëdhënës i zyrës së sherifit.
Nuk ka raportime për të lënduar.
Nëna e fëmijëve është gjallë dhe në kontakt me autoritetet. Sipas raportimeve të mediave, prindërit jetonin të ndarë.
Sipas informacioneve, në momentin e krimit në kishë ndodheshin edhe persona të tjerë. Sa persona ishin fillimisht ishte e paqartë. Një punonjës i kishës dëgjoi të shtënat dhe thirri policinë.
“Një tjetër akt i pakuptimtë i dhunës me armë në Amerikë”, shkroi në Tëitter guvernatori i Kalifornisë, Gavin Newsom.
“Në një kishë ku kishte fëmijë. Absolutisht shkatërruese,” vazhdoi ai, duke shprehur ngushëllimet e tij për viktimat dhe familjet e tyre. /albora.ch/
Another senseless act of gun violence in America – this time in our backyard. In a church with kids inside. Absolutely devastating.
— Gavin Newsom (@GavinNewsom) March 1, 2022
Our hearts go out to the victims, their families and their communities.
We are working closely with local law enforcement.
