Motori ekonomik i Zvicrës. Transporti publik i shkëlqyer. Ndoshta metropoli më i sigurt dhe më i pastër në Evropë, shkruajnë mediat zvicerane, përcjell albora.ch. Lirisht mund të themi se Cyrihu i ka të gjitha. Por sigurisht që ka disa anë negative.
Qyteti i Cyrihut është shtëpia e më shumë se 400,000 njerëzve – ose rreth 1.5 milion kur merret parasysh i gjithë kantoni.
Rreth një e treta e banorëve janë të huaj, që është më e lartë se shifra prej 25 për qind për Zvicrën në tërësi.
Si motori ekonomik i Zvicrës, Cyrihu është përgjegjës për afërsisht një të pestën e PBB-së së vendit dhe është baza për dhjetëra kompani të njohura vendase dhe ndërkombëtare.
Tregu i punës i Cyrihut është i fortë – ndoshta më i fuqishmi në Zvicër, veçanërisht për punëtorët ndërkombëtarë.
Si rezultat, pagat janë gjithashtu të forta, me pagat në industri të ndryshme ndër më konkurrueset në vend.
