Bledari dhe Burtinti Bajraj janë dy vëllëzër kosovarë që janë zhvendosur nga Kosova për të jetuar në Gjermani.
Ata janë nga Komuna e Malishëves, tashmë një vit janë vendosur në Gjermani. Dy vëllezërit kanë qenë të ftuar në emisionin e vetëm të diasporës, Fol Shqip Show.
Ata kanë shfaqur talentin e tyre në muzikë.
Edhe pse të vegjël në moshë, atë kënduan këngë rapsodike dhe së bashku i ranë edhe çiftelisë.
Bledari, 13 vjeçar ka treguar se muzikën e ka nisur që në moshën 5 vjeçare.
“Unë ja kam nis me këndu kur kam qenë 5 vjeçar”, ka thënë Bledari.
Po ashtu, Burtinti ka treguar se ka nisur të këndojë në moshën 5 vjeçare.
“Edhe unë 5 vjet kam nisur të këndojë me axhallarët, me djemtë e axhallarëve. Ata tash janë në Kosovë, e kem grupin që këndojmë bashkë “Vëllezërit Bajraj”, ka shpjeguar Burtinti.
Bledari ka deklaruar se Gjermani nuk e ka shijen e njëjtë sikurse Kosova.
“Nuk e ka shijen sikurse Kosova. Unë jam rritur deri në moshën 12 vjeçare. Babi është në Gjermani qe 5 vjet, pastaj i kem bërë letrat edhe ne dhe kemi ardhur këtu. Nuk mundem me krahasu Gjermanin me Kosovën”, është shprehur 13 vjeçari.
Të njëjti mendim është edhe vëllai i tij, Butrinti.
“Jo edhe shumë, puna është se 15 vjet kam ndenjur në Kosovë. Krejt shokët i kam lanë në Kosovë, ende nuk po më flenë shpirti në Gjermani”, ka thënë Butrinti.
Kurse, menaxheri i vëllezërve Bajraj, Xhelal Simixhiu ka treguar se pse ka vendosur që t`i ketë nën menaxhim ata.
“Jam shumë i kënaqur me ta, janë shumë të talentuar. Çdo video që e publikojmë në Youtub dhe në Facebook kemi shumë klikime”, ka thënë ai.
Përveç tjerash, Simixhiu ka treguar se videoklipet dhe këngët do t`i bëjë falas për vëllezërit Bajraj.
Burtinti ka treguar se a do të kthehet në Kosovë.
“Pasi kemi ardhur këtu nuk ka shanse me u kthy në Kosovë”, ka thënë 15 vjeçari.
