Një 43-vjeçar kosovar me banim në Norvegji, është arrestuar pasi ka kryer mbi 30 vjedhje në filiale të bankave në Bavarinë Jugore.
Sipas raportimeve në media të hënën, më 24 janar 2022, i dyshuari fluturoi nga Oslo përmes Vjenës për në vendlindjen e tij në Prishtinë. Gjatë një kontrolli të policisë kufitare në aeroportin Vjenë-Schwechat, autoritetet kufitare atje vunë re se kosovari po përdorte të dhëna të rreme personale dhe donte të fshihte identitetin e tij të vërtetë. Ai u arrestua dhe tani është në pritje të ekstradimit në Gjermani.
Për disa muaj kishte pasur një seri prej mbi 30 vjedhjesh në degët e bankave në Bavarinë jugore. Në shumicën e rasteve, autorët rezultuan të pasuksesshëm, por lanë pas një dëm të papërcaktuar, shumë të lartë, transmeton albora.ch.
Hetimet e gjera po vazhdojnë edhe për bashkëpunëtorë dhe mbështetës të tjerë të mundshëm./albora.ch/
