Pushtimi rus i Ukrainës mund të jetë vetëm fillimi i një konflikti në shkallë të gjerë dhe ushtria zvicerane duhet të jetë gati.
Këshilltarja Federale Viola Amherd thotë se është në favor të rritjes së buxhetit për ushtrinë, siç kërkohet nga UDC dhe PLR, por në afat të gjatë duke përjashtuar anëtarësimin e Zvicrës në NATO, shkruan ticinonews.ch.
Amherd tha se ishte në favor të rritjes së buxhetit të forcave të armatosura me dy miliardë franga.
“Ideja për të braktisur përfundimisht neutralitetin për t’u bashkuar me NATO-n del nga kolonat zvicerano-gjermane, ky hap nuk është një opsion”, tha ajo.
UDC dhe FDP kërkojnë rritjen e buxhetit për ushtrinë nga 5 në 7 miliardë franga. Për Amherd, kjo rritje e fondeve e barabartë me 40% është një opsion, edhe nëse kjo duhet të ndodhë në afat të gjatë.
“Nuk ka kuptim të rritet kaq shumë buxheti brenda natës,” tha ajo, duke shpjeguar se Konfederata duhet të rinovojë forcat e saj ajrore, të mbrohet nga sulmet kibernetike dhe të pajisë më shumë forcat e saj tokësore./albora.ch/
