Plakja e lëkurës është diçka që na shqetëson të gjithëve. Kjo është arsyeja pse shumica prej nesh blejnë kremra dhe produkte kundër rrudhave për të parandaluar plakjen e parakohshme. Megjithatë, ka edhe disa zakone specifike që kemi në përditshmërinë tonë, të cilat mund të çojnë në plakjen e lëkurës.
Ju nuk aplikoni krem kundër diellit
Rrezet e diellit mund të përshpejtojnë procesin e plakjes me shfaqjen e rrudhave, njollave dhe hiperpigmentimit, ndaj mos e anashkaloni kurrë kremin kundër diellit kur dilni edhe në muajt e dimrit.
Ju pini duhan dhe alkool
Pirja e alkoolit është një zakon jashtëzakonisht i keq, siç është edhe pirja e duhanit që ndikon edhe në lëkurë. Përpiquni të reduktoni konsumimin e alkoolit dhe të lini duhanin për ta mbajtur lëkurën tuaj të shkëlqyeshme dhe rinore.
Nuk flini mjaftueshëm
Është e rëndësishme të flini të paktën 8 orë çdo ditë. Nëse e shpërfillni rëndësinë e gjumit, përfundoni me rrathë të zinj, sy të lodhur dhe të fryrë. Është gjithashtu një ide e mirë të zgjidhni këllëfët e jastëkëve prej sateni dhe pëlhura të buta pasi jastëkët e pambukut shkaktojnë fërkime në lëkurë që shpërbëjnë kolagjenin.
Ju nuk pini ujë
Për të mbajtur lëkurën tuaj të hidratuar dhe të shëndetshme duhet të pini shumë ujë. Me ujë trupi juaj do të jetë i lirë nga toksinat dhe lëkura juaj do të duket përgjithmonë e re.
Nuk përdorni vitaminë C
Vitamina C e pastër ndihmon në luftimin e radikaleve të lira dhe rindërton kolagjenin, zvogëlon inflamacionin dhe rrit elasticitetin dhe freskinë e lëkurës.
