Në Zvicër një shqiptar i Kosovës i cili nuk u kujdes për fëmijët e tij u dënua me dëbim nga shteti helvetik.
Edhe pse ai kishte shumë borxhe dhe kreu një numër krimesh të vogla, leja e tij e qëndrimit tani nuk është ribërë, raporton Blick, përcjellë albora.ch.
52-vjeçari, ka jetuar në Zvicër për më shumë se 30 vjet dhe ka tre fëmijë.
Pas problemeve të shumta që ai i ka krijuar shtetit të Zvicrës duhet të largohet.
Zyra e Migracionit në Solothurn nuk e ka zgjatur më lejen e qëndrimit të tij, por ai paraqiti ankesë në Gjykatën Administrative.
Siç raportohet nga “Solothurner Zeitung”, vendimi i zyrës së emigracionit tani është konfirmuar.
Shqiptari është paralajmëruar vazhdimisht për dëbim nga autoritetet e migracionit, për herë të parë 10 vjet më parë. Atë kohë, ai kishte grumbulluar mbi 23 gjoba dhe kishte qëndruar edhe në burg.
Kur shqiptari donte të zgjaste lejen e qëndrimit në vitin 2019, autoriteti i migracionit e hodhi poshtë kërkesën.
“Ai ka shkelur rëndë sigurinë publike dhe rendin në Zvicër nëpërmjet delikuencave të përsëritura”.
“Ai nuk ishte në gjendje të respektonte kushtet e lidhura me lejen e qëndrimit, shprehet autoriteti i migracionit.
Borxhet e tij në shtetin zviceran kapin shifrën e 400 mijë frangave./albora.ch/
