Vitin e kaluar, me miratimin e Konfederatës, kompanitë zvicerane eksportuan materiale luftarake me vlerë 740 milionë franga në 67 vende. Krahasuar me vitin 2020, një vit rekord, kjo është një rënie prej rreth 18%, transmeton albora.ch.
Vlera e eksporteve në vitin 2021 korrespondon me një peshë prej 0,2% të totalit të eksporteve të mallrave nga ekonomia zvicerane, siç tregojnë statistikat e paraqitura sot në media nga Sekretariati Shtetëror për Çështje Ekonomike (Seco).
Dy klientët kryesorë të industrisë zvicerane, si në vitin 2020, ishin Gjermania (123 milionë) dhe Danimarka (96 milionë). Shtetet e Bashkuara (90 milionë), Rumania (87 milionë) dhe Botsvana (64 milionë) pasojnë me radhë. 65% e eksporteve shkuan në Evropë. Eksportet në Azi përbënin 11%. Afrika absorboi 10% të eksporteve. 13% e eksporteve shkuan në Amerikë dhe 1% në Australi. Ndër produktet më të kërkuara janë automjetet e blinduara (40%) dhe municionet (25%).
Në Lindjen e Mesme, 51 milionë materiale u dërguan në Arabinë Saudite, një vend i përfshirë në një luftë të përgjakshme në Jemen. Emiratet e Bashkuara Arabe, të cilat marrin pjesë në armiqësi së bashku me sauditët, kanë blerë gjithashtu materiale nga kompanitë zvicerane për rreth 6 milionë./albora.ch/
