Një djalë i ri është vrarë në përleshjet që shpërthyen pas ndeshjes gjysmëfinale të Kupës së Botës mbrëmë mes Francës dhe Marokut.
Policia u detyrua të vendosej në disa zona pasi tifozët u përfshinë në konfrontime të dhunshme në rrugë, shkruan metro.co.uk.
Franca i dha fund ecurisë historike të Marokut në turne mbrëmë me një fitore 2-0, pavarësisht një paraqitjeje të zjarrtë nga humbësit.
Policia kishte parandaluar trazirat para fillimit të ndeshjes për shkak të lidhjeve të ngushta dhe komplekse mes dy vendeve.
Ka më shumë se një milion njerëz në Francë me origjinë marokene, një trashëgimi kjo e dekadave të sundimit francez në pjesë të Afrikës së Veriut.
Maroku u bë skuadra e parë afrikane dhe e parë arabe që arriti ndonjëherë në një fazë kaq të avancuar të turneut.
Incidenti fatal ndodhi në qytetin jugor të Montpellier, thanë zyrtarët lokalë.
Një fëmijë u godit nga një makinë pas ndeshjes dhe vdiq pasi u dërgua me urgjencë në spital.
Pamjet në mediat sociale tregojnë një automjet të bardhë duke kaluar nëpër një turmë njerëzish që ishin mbledhur në një rrugë.
Një deklaratë e lëshuar nga qeveria lokale në Herault tha: “Një djalë i ri u godit dhunshëm këtë të mërkurë në mbrëmje në Montpellier nga një shofer, pas ndeshjes gjysmëfinale të Kupës së Botës të futbollit.
“I transferuar në spital në urgjencë absolute, ai vdiq menjëherë pas trajtimit mjekësor.
“Hetimi i policisë po vazhdon me shpejtësi nën drejtimin e prokurorisë”.
