Autoritetet suedeze kanë njoftuar se udhëtarët nga vendet e treta nuk i nënshtrohen më rregullave të hyrjes kur arrijnë në Suedi pasi kjo e fundit ka vendosur të heqë të gjitha kufizimet e saj.
Sipas një njoftimi për shtyp që është lëshuar nga Ministria e Drejtësisë e Suedisë, udhëtarët nga vendet jo të Bashkimit Evropian/Zonës Ekonomike Evropiane tani mund të hyjnë në Suedi edhe nëse nuk kanë një vaksinë të vlefshme, rikuperim ose certifikatë testimi.
“Nga 1 Prilli 2022, personave që udhëtojnë për në Suedi nga vende jashtë BE-së/ZEE-së nuk u kërkohet më të paraqesin një test negativ për COVID-19, një certifikatë vaksinimi ose ndonjë lloj certifikate tjetër”, thuhet në deklaratën e Ministrisë suedeze.
Kjo do të thotë që të gjithë, pavarësisht nga statusi i vaksinimit ose rikuperimit, tani mund të hyjnë në Suedi për të gjitha llojet e qëllimeve pa u kërkuar të ndjekin rregulla shtesë të hyrjes.
Suedia prezantoi një ndalim të përkohshëm hyrjeje për udhëtarët nga vendet jo-BE/ZEE në mars 2020. Megjithatë, pasi morën parasysh situatën aktuale dhe arritën në përfundimin se virusi nuk shkakton më implikime serioze shëndetësore, autoritetet suedeze vendosën të ndjekin shembullin e disa vende të tjera të BE-së dhe të heqin masat e tyre./albora.ch/
