Zinxhirët e shitjes me pakicë në Gjermani kërcënohen nga mungesa e domateve të konservuara. Aldi, Edeka dhe Lidl mund të mbeten pa këtë ushqim, sipas mediave gjermane.
Ka dy arsye pse furnizimi me domate të konservuara mund të jetë i vështirë. Sipas mediave gjermane, arsyeja e parë është blerja e tepërt e konservave.
Nga frika e mungesës, shumë blejnë ushqime të konservuara që kanë një jetëgjatësi më të gjatë. Një tjetër arsye e mungesës është se fermerët në Itali po mbjellin gjithnjë e më pak domate. “Tregu i domateve po përshkallëzohet. Disa furnitorë kanë njoftuar tashmë se do të duhet të reduktojnë dërgesat për klientët”, tha për mediat gjermane grosistja Otto Franck , shkruan Fenix Magazine .
Toka të shumta të punueshme në Itali ku mbilleshin domate po ripërdoren.
“Sipërfaqja ku mbillen domatet në Itali po bie me rreth 10 për qind, pjesërisht për shkak se fermerët po zgjedhin kultura të tjera,” tha Andreas Reimer , drejtor ekzekutiv i kompanisë gjermane të konservimit Hengstenberg .
Aktualisht, shumica e drithërave mbillen për të prodhuar ushqime bazë si bukë dhe makarona. “Do të ketë një rritje të konsiderueshme në koston e domateve të konservuara që ne do të duhet t’ua kalojmë shitësve me pakicë,” vazhdon Reimer.
Çmimi i domateve të papërpunuara nga Italia veriore është tashmë 18 për qind më i lartë se vitin e kaluar. Rritje çmimesh ka paralajmëruar edhe prodhuesi italian Mutti./albora.ch
Foto: Pixabay (Ilustrim)
