Austria po “zihet” nga inflacioni. Inflacioni i qershorit ishte 8.7 për qind, mini shporta e blerjeve – pazar, mbushje – ishte pothuajse 20 për qind më e shtrenjtë, shkruajnë mediat austriake, përcjell Albora.ch.
“Rritjet e reja të çmimeve për karburantet, ushqimet, energjinë shtëpiake dhe në tregtinë e hotelierisë kanë rritur edhe një herë ndjeshëm inflacionin në Austri. Me 8.7 për qind, çmimet e konsumit [sipas indeksit të harmonizuar të çmimeve të konsumit] në qershor 2022 arritën shkallën më të lartë të inflacioni në 47 vjet”, zbulon Drejtori i Përgjithshëm i Statistikave të Austrisë, Tobias Thomas në raportin e fundit të inflacionit. Për herë të fundit kemi parë një normë kaq të lartë inflacioni në Austri në shtator 1975.
Shpenzimet për karburant, ushqim dhe energji ishin përgjegjëse për gjysmën e inflacionit: Krahasuar me një vit më parë, çmimet e transportit u rritën mesatarisht me 21.9 për qind , pra dukshëm më shumë se në maj (+19.1 për qind). Kjo ishte kryesisht për shkak të çmimeve të karburanteve, të cilat u rritën me 63.2 për qind në qershor dhe si rrjedhim dukshëm më të larta se në maj (+50.5 për qind). Këta vazhdojnë të jenë nxitësit më të fortë të çmimeve.
Çmimet e banesave, ujit dhe energjisë janë rritur mesatarisht me 10.3 për qind. Çmimet e energjisë shtëpiake në veçanti kontribuan në këtë. Çmimet e gazit mbetën shumë mbi nivelin e një viti më parë (+71,0 për qind). Presioni i çmimeve u rrit ndjeshëm edhe për vajin për ngrohje (+109.6 për qind). Lëndët djegëse të ngurta dhe ngrohja qendrore u rritën përkatësisht me +40,9 për qind dhe 16,5 për qind. Vetëm çmimet e energjisë elektrike mbetën relativisht të qëndrueshme, të ngjashme me majin (+0,2 për qind).
Jashtëzakonisht të shtrenjta për blerjet e përditshme
Rritja e çmimit është veçanërisht e dukshme për blerjet javore : niveli i çmimit të shportës së mikro-blerjeve , që përmban kryesisht ushqime, por edhe gazeta ditore apo kafe në kafene dhe pasqyron blerjet e përditshme, u rrit me 10.8 për qind nga viti në vit. .
Niveli i çmimeve të mini-shportës së blerjeve , i cili pasqyron një blerje javore dhe përmban ushqime dhe shërbime, si dhe karburant, u rrit me 18.8 për qind nga viti në vit .
Albora.ch
