Të dielën herët në mëngjes, rrobat e një gruaje morën flakë në lagjen 8 të Cyrihut. Ajo duhej të dërgohej në spital në gjendje kritike.
Në një shtëpi banimi në Distriktin 8 në Cyrih, rrobat e një banoreje që ajo kishte veshur, kanë marrë flakë mëngjesin e së dielës. Gruaja u dërgua në spital në gjendje kritike.
Një mbikëqyrëse e konviktit e gjeti gruan para orës shtatë para hyrjes së shtëpisë duke bërë thirrje për ndihmë, tha policia e qytetit të Cyrihut. Ajo mundi t’i hiqte gruas rrobat e djegura.
Pas kësaj, 60-vjeçares së plagosur rëndë i është dhënë ndihma e parë nga mjekët e Mbrojtjes dhe Shpëtimit të Cyrihut në vendngjarje dhe më pas është dërguar në spital në gjendje kritike.
Blick.ch shkruan se detektivët e policisë së qytetit të Cyrihut dhe hetuesit e zjarrfikësve nga policia e kantonit të Cyrihut po hetojnë se çfarë ka ndodhur saktësisht. Për momentin nuk ka indikacione për ndikim të palëve të treta.
