Rritja e numrit të rasteve me koronavirus po i bën spitalet sërish më të kujdesshëm. Spitalet, të cilat më herët e kanë hequr kërkesën e përgjithshme për maska, tani po e rifusin atë, shkruajnë mediat zvicerane, përcjell Albora.ch.
Në Kantonsspital Winterthur (KSW), një kërkesë për maskë për të gjithë pacientët, vizitorët dhe punonjësit ka qenë në fuqi që nga kjo e hënë. Një shënim përkatës mund të gjendet në faqen e internetit të KSË-së.
Në spitalet e tjera të mëdha, maskat janë përsëri ose ende të detyrueshme. Për shembull në Spitalin Universitar Cyrih (USZ) dhe në Spital Limmattal. Gjithashtu, Spitali i Qytetit të Cyrihut do të shtrëngojë përsëri kërkesën për maskë. Kjo vlen për punonjësit që janë në kontakt të drejtpërdrejtë me pacientët, si dhe vizitorët dhe personat shoqërues.
Numri i rasteve me korona është rritur ndjeshëm në kantonin e Cyrihut. Në fund të majit, rreth 250 njerëz në ditë ishin ende pozitivë. Në ditët e fundit ka pasur mbi 1000 njerëz. Është rritur sërish edhe numri i personave të shtruar në spital për shkak të Covid-19. Aktualisht janë 129 persona në një spital të Cyrihut, pesë prej të cilëve kërkojnë kujdes intensiv.
Albora.ch.
