Nga 1 janari kur pritet që Franca të marrë kryesimin gjashtëmujor të Presidencës së Bashkimit Evropian, presidenti i këtij shteti Emmanuel Macron ka deklaruar se do të rishikojë raportet me Ballkanin Perëndimor.
Macron theksoi se shteteve të Ballkanit, Bashkimi Evropian do t’ju ofrojë perspektivë për anëtarësimin në bllokun evropian, transmeton Telegrafi.
Pavarësisht që Komisioni Evropian dhe shumica e vendeve anëtare të BE-së thonë se Shqipëria dhe Maqedonia kanë implementuar të gjithë reformat demokratike të kërkuara për të filluar bisedimet për anëtarësim, procesi nuk ka filluar akoma, kjo për shkak të bllokadës dhe vetos së vënë nga Bullgaria.
Në anën tjetër Kosova dhe Bosnja po konsiderohen si vendet e fundit sa i përket procesit të integrimit drejt BE-së.
Macron ndër tjera ka folur edhe për çështje tjera me theks të veçantë përshkallëzimi i mundshëm i situatës në Ukrainë, ku forca të shumta ruse janë stacionuar përgjatë kufirit me këtë vend. /albora.ch/
