Lorent Berisha nuk ka mundur t’i sjellë fitoren Zvicrës në finalen e madhe të “DSDS”, shkruan Blick, përcjell Albora.ch.
Ëndrra e tij për fitore ishte e arritshme, por ai shpërtheu në momentin e fundit: Lorent Berisha (19) zuri vendin e tretë në finalen e “Deutschland sucht den Superstar”. Sem Eisinger (29) rrëmbeu fitoren.
Dieter Bohlen (69) më parë vlerësoi se Berisha ishte “më i miri vokalisht”. Katja Krasavice (26) shkoi një hap më tej. Ajo i tha në emisionin televiziv zviceranit: “Ti e di që të dua!”
Për Lorent Berishën kjo është humbja e dytë në një spektakël. Në programin e SRF-së “Stadt Land Talent” ka marrë pjesë edhe ky vendas nga Lucerni. Ai nuk mund ta fitonte as këtë.
Megjithatë, Berisha nuk duhet të jetë shumë i zhgënjyer për humbjen e tij. Para finales ai theksoi në një intervistë për Blick: “Mendoj se të shtunën në një mënyrë apo tjetër do të dal me buzëqeshje. Ose fitoj dhe shkoj në turne me Dieter Bohlen – ose shkoj në shtëpi i lumtur.” Ai është aq krenar që ka arritur deri këtu. “Prandaj nuk ka asnjë arsye për t’u trishtuar.”
Lorent Berisha vazhdon të aspirojë për një karrierë muzikore
Për pjesëmarrjen e tij në “DSDS”, Berisha bëri pushime në ordinancën ku punon si asistent i mjekësisë. Tani ai do të kthehet atje. Por ai gjithashtu dëshiron të avancojë karrierën e tij muzikore. Kënga e tij e parë “Complicated” u publikua të premten, të cilën e performoi para publikut për herë të parë në finale. Së shpejti mund të dëgjohet edhe më shumë muzikë nga Berisha, sepse edhe ai i shkruan këngët e tij në shtëpi.
