“Ruani dhe menaxhoni të dhënat personale falas, kurseni hapësirë në hard diskun tuaj, dërgoni email”, kompania Infomaniak me bazë në Gjenevë e bën të mundur, duke marrë parasysh privatësinë dhe rrjedhimisht konkurrencën për gjigantët e internetit.
Kompania zvicerane Infomaniak, në biznes për mbi 25 vjet dhe ofruesi më i madh i pavarur i cloud në Zvicër, është në proces të ndryshimit pikërisht të kësaj, transmeton albora.ch.
Me Etik.com, kompania po lancon një sistem të përputhshëm me mbrojtjen e të dhënave dhe në të njëjtën kohë ekologjikisht të qëndrueshëm për menaxhimin e të dhënave dhe postës, një kalendar dixhital dhe video-konferenca pa limit. E gjithë kjo në përputhje me masat më të rrepta të sigurisë dhe 100 për qind në duart e Zvicrës.
Infomaniak është një kompani e pavarur me 185 punonjës të shpërndarë në Gjenevë dhe Winterthur dhe është në pronësi të plotë të punonjësve të saj.
Të dhënat dhe informacionet e klientëve mbrohen nga keqpërdorimi me sinkronizim dhe kopje rezervë automatike në tre bartës të të dhënave dhe në dy qendra të të dhënave në Zvicër: “Modeli ynë i biznesit është krijuar për të mbrojtur të dhënat – në vend që t’i shesë ato. Ne po zhvillojmë ekosistemin tonë, kështu që kurrë nuk duhet të bëjmë kompromis me vlerat tona,” thotë Marc Oehler, CEO i Infomaniak, për konceptin./albora.ch/
