Ryanair prezantoi orarin e ri të fluturimeve dimërore në Vjenë të martën. Kjo përfshin tetë linja të reja, duke përfshirë edhe Ballkanin, shkruajnë mediat austriake, përcjell Albora.ch.
Siç njoftoi të martën linja ajrore me kosto të ulët Ryanair, tetë linja të reja do t’i shtohen programit me orarin e ri të fluturimeve dimërore nga Vjena.
Në përgjithësi, numri i destinacioneve të udhëtimit që mund të fluturohen drejtpërsëdrejti rritet në 70.
Ryanair tani po investon 1.7 miliardë euro në lokacionin e Vjenës, që do të thotë se gjithsej 17 avionë do të vendosen në kryeqytetin austriak.
Një total prej 600 fluturimesh në javë do të jenë në dispozicion dhe si rezultat do të krijohen 600 vende pune .
Linjat e reja janë: Bremen (Gjermani), Mançester (Angli), Kopenhagë (Danimarkë), Helsinki (Finlandë), Genova dhe Venecia (Itali), Tuzla (Bosnje dhe Hercegovinë) dhe Sibiu (Rumani).
