Një rast tragjik ka ndodhur në kantonin Neuchâtel gjatë fundjavës që sapo e lamë pas. Një nënë 37-vjeçare bëri vetëvrasje së bashku me dy fëmijët e saj të vegjël, shkruajnë mediat zvicerane, përcjell Albora.ch.
Si i vret një nënë fëmijët e saj?
Sipas psikologut Thomas Spielmann, kanë ndryshimet biokimike në tru që çojnë në një veprim të tillë. Stresi i vazhdueshëm, lirimi i kortizolit, ndoshta ndryshime hormonale.
“Përgjigja është pothuajse më shumë për t’u gjetur në biokimi sesa në psikologji,” thotë Spielmann në një vlerësim fillestar.
“Një nënë që bën diçka të tillë nuk mendon më qartë,” thotë ai.
Baballarët dhe nënat që vrasin fëmijët e tyre. Fatkeqësisht, kjo ndodh përsëri dhe përsëri.
Disa ngjarje nga vitet e fundit:
Korrik 2022: Rasti Neuchâtel
Një nënë (37) hidhet nga shkëmbi, duke marrë me vete dy fëmijët e saj të vegjël (2 dhe 4). Këto janë konstatimet e deritanishme të prokurorisë.
Mars 2022: Çështja Montreux
Rasti është përtej imagjinatës njerëzore, tha një psikiatër mjekoligjore. Në mars 2022, katër anëtarë të një familjeje ranë për vdekje nga një ndërtesë në Montreux VD: babai, gruaja e tij, motra e saj dhe vajza e tyre tetëvjeçare. Djali 15-vjeçar ka shpëtuar. Si sfond dyshohej një konflikt me autoritetet për shkollimin në shtëpi.
Korrik 2019: Çështja Affoltern am Albis
53-vjeçari vret gruan dhe dy djemtë (7 dhe 9), pastaj veten.
Janar 2015: Bien nga banesa
Ditën e Vitit të Ri, një nënë mbyt dy vajzat e saj (2 dhe 5) teksa ato janë duke fjetur. Më vonë, nëna beri vetëvrasje në burg.. Rasti bëri bujë pasi me familjen ishin të përfshirë edhe autoritetet e mbrojtjes së fëmijëve dhe të rriturve.
Gusht 2013: Rasti Grabs
Në Grabs SG, një baba vret dy vajzat e tij, dy dhe pesë vjeç, duke i vënë flakën makinës në të cilën ndodhen. Policia gjen makinën me trupat e djegur të fëmijëve dhe babait. Ai vdes në spital nga plagët e marra nga djegia.
Albora.ch.