U inaugurua sot në Dietikon (ZH) impianti i parë industrial i Zvicrës për energjinë-gaz. Ai do të hyjë në punë në mes të majit dhe do të jetë në gjendje të furnizojë rreth 18,000 megavat orë (MWh) në vit gaz sintetik të prodhuar nga energjitë e rinovueshme, si dhe kursime të emetimeve të CO2 deri në 5,000 tonë.
Teknologjia “Power to Gas” bën të mundur ruajtjen e tepricës së energjisë elektrike të prodhuar nga termocentralet diellore, të erës ose hidraulike në formën e metanit (gazit natyror sintetik) ose hidrogjenit. Kur prodhohet më shumë energji elektrike sesa harxhohet, është e mundur të ruhen tepricat në afat të gjatë përmes prodhimit të metanit.
Kjo bën të mundur transferimin e sasive të mëdha të energjisë nga burimet e rinovueshme nga rrjeti elektrik në rrjetin e gazit në mënyrë që të arrihet një fleksibilitet më i madh për sa i përket kohës dhe vendit. Fabrika Dietikon, e cila kushton 14 milionë franga, prodhon gaz nga mbeturinat dhe ujërat e zeza.
Ajo menaxhohet nga kompania ndërkomunale Limeco, e cila ka një impiant për trajtimin e ujërave të zeza, një fabrikë për riciklimin e mbetjeve dhe një rrjet të ngrohjes qendrore në luginën e Limmat.
Me një proces elektrolize, nëpërmjet kalimit të rrymës elektrike në ujë, fitohet hidrogjeni (H). Ky nga ana tjetër konvertohet në gaz metan (CH4) në një bioreaktor i cili e kombinon atë me CO2 nga trajtimi i ujërave të zeza. Gazi “i gjelbër” i përftuar në këtë mënyrë, i cili ka të njëjtën përbërje kimike si gazi natyror, futet më pas në rrjetin e furnizimit. Gazi është gjithashtu më i lehtë për t’u ruajtur sesa energjia elektrike./albora.ch/
Offizielle Einweihung der Power to Gas-Anlage der Limeco Dietikon, ein wegweisendes Innovations- und Pionierprojekt für unsere Energiezukunft um mit viel Multi-Energie und Power vom fossilen Gas wegzukommen. Hochaktuell also! Und der passende Slogan dazu: "Geimsam geben wir Gas" pic.twitter.com/kRDyMvbefi
— Sonja Gehrig (@SonjaGehrig) April 29, 2022
