Krahasimi i çmimeve ndërkombëtare të barnave, veçanërisht xhenerikeve, tregon se medikamentet janë ende më të shtrenjta në Zvicër sesa në vendet e tjera.
Studimi, i kryer së bashku nga Interpharma, shoqata e industrisë farmaceutike të Zvicrës, dhe Santésuisse, një grup ombrellë për kompanitë e sigurimeve shëndetësore, zbuloi se konsumatorët zviceranë do të paguajnë këtë vit rreth 48.4 për qind më shumë për barnat sesa homologët e tyre në Francë, Gjermani dhe Holanda.
Në vitin 2021, diferenca mesatare e çmimeve gjenerike ishte 45.2 për qind.
Në përgjithësi, niveli i çmimeve për barnat e mbrojtura nga një patentë është mesatarisht 8.8 më i ulët në vendet e tjera evropiane dhe barnat me emër, patenta e të cilave ka skaduar janë 15.4 për qind më të lira, zbuloi studimi.
Interpharma dhe Santésuisse krahasuan çmimet zvicerane me ato në Gjermani, Austri, Belgjikë, Danimarkë, Finlandë, Francë, Britani e Madhe, Holandë dhe Suedi, shkruan The Local.
Foto: Pixabay / Ilustrim
