Të gjithë u bënë bashkë për të festuar 14 vjetorin e Pavarësisë së Kosovës, me një atmosferë festive të mbushur me urime të ndryshme për Kosovën dhe shtetasit e saj.
Ambasada e Kosovës në Zvicër mirëpriti personalitete të ndryshme të politikës zvicerane, kryetarin e partisë SP, kryetarin e parlamentit zviceran, biznesmenë të njohur shqiptarë dhe mërgimtarë që jetojnë në Zvicër.
Qysh në nisje të ceremonisë u intonua himni i Republikës së Kosovës.
Më pas ambasadori i Kosovës në Zvicër, Sami Ukelli, vuri në pah se ky përvjetor koicidon me heqjen e masave anti-COVID-19 në Zvicër.
Ai tha se për këto 14 vjet Kosova ka shënuar progres në shumë fusha, por ende ka sfida.
“Sa i përket arritjeve të shtetit më të ri të Evropës gjatë 14 viteve të fundit, Kosova ka bërë përparim të jashtëzakonshëm dhe kjo duhet pranuar. Sa i përket imazhit të Kosovës, janë artistët, sportistët dhe sportistët, është diaspora e suksesshme që kontribuon dukshëm në paraqitjen e imazhit të vërtetë të Kosovës dhe te gjithe keta janë shumë më të suksesshëm në punën e tyre sesa ne diplomatët. Por, sfidat mbeten. Dhe sigurisht ne duhet të vazhdojmë të ndërtojmë një Kosovë demokratike, të begatë, multietnike dhe evropiane në vitet e ardhshme“, tha ai.
Diplomati, tutje vuri në dukje marrëdhëniet e shkëlqyeshme mes dy vendeve Kosovë-Zvicër.
“Nëse shikojmë pas në marrëdhëniet tona dypalëshe gjatë 14 viteve të fundit, marrëdhëniet midis vendeve tona janë përmirësuar dukshëm dhe shumë gjera janë arritur së bashku, me nivelin e shkëmbimeve dypalëshe që rritet shumë herë çdo vit“, shtoi ai.
Në këtë ceremoni u përmenden edhe arritjet e kosovarëve si përfaqësues të Zvicrës, si ai i një kosovari për Zvicrën në Eurovizion, paraqitjet e jashtëzakonshme të futbollistëve për Zvicrën në Kampionatin Evropian Euro2020, çmimi për “Sipërmarrësi i Vitit”, pozitat në institucionet legjislative dhe ekzekutive në nivel lokal dhe kantonal janë vetëm një.
Sipas ambasadorit, pjesë e suksesit të mijëra e mijëra vajzave dhe djemve tanë nga Kosova, të cilët me angazhimin e tyre kontribuojnë në zhvillimin e vetë Zvicrës./albora.ch/
