Miliona ukrainas po ikin nga lufta e agresionit të Putinit – në vendet fqinje si Poloni dhe Hungari, disa edhe më tej. Sipas shifrave zyrtare, 2475 refugjatë ukrainas kanë arritur në Zvicër deri dje, të shtunën.
Autoritetet zvicerane presin që numri të rritet edhe më shumë ditët në vijim. Këshilli Federal ka aktivizuar statusin e mbrojtjes S, i cili u garanton refugjatëve të drejtën e qëndrimit, transmeton albora.ch.
Këshilltari Kombëtar, Hans-Peter Portmann (59), ka thënë se dëshiron të ndihmojë në lidhje me refugjatët. Ai po punon intensivisht për të sjellë në Zvicër një grup të madh jetimësh nga rrethi Lviv në Ukrainën perëndimore.
“Më kontaktoi një biznesmen ukrainas që e njoh”, tha politikani i FDP-së. Biznesmeni i pasur, me banim në Evropën Perëndimore, financoi jetimoren deri në fillim të luftës. Tani rreth 160 fëmijë dhe të rinj kanë ikur në Poloni me 15 kujdestarë. Shoku i tij po kërkon një vend ku fëmijët mund të qëndrojnë dhe të rriten për një periudhë më të gjatë kohore. “Idealisht deri në vetëpunësim”, thotë Portmann, shkruan blick.
Paratë nuk janë çështje, këtë e siguron sipërmarrësi. Por ajo që nevojitet është akomodimi i përshtatshëm. “Synimi ynë duhet të jetë që këta fëmijë të mund të udhëtojnë sa më shpejt në një vend të qetë dhe të qëndrojnë atje”, thotë politikani. “Duhet të qëndrojnë bashkë, nuk kanë prindër, nuk duam t’i nxjerrim sërish nga ambienti i tyre”. Janë vendosur edhe mundësitë e kontaktit për ata që mund të ofrojnë një objekt të përshtatshëm ku mund t’i gjeni në duke klikuar KËTU. /albora.ch/
Lexo edhe:
