Fjalimi i sotëm virtual i Volodymyr Zelenskyit drejtuar deputetëve gjermanë, foli për një çështje historike duke përshkruar një lloj të ri të Murit të Berlinit që po ndërtohet – duke e ndarë Evropën midis lirisë dhe shtypjes.
Fjalimi i tij emocionues në parlamentin gjerman, Bundestag, u dëgjua nga disa që do të ishin rritur në Gjermaninë Lindore komuniste pas Murit të Berlinit, shkruan BBC.
Gjatë Luftës së Ftohtë, negociatat dhe angazhimi i ashpër i Gjermanisë me Moskën kontribuuan në rënien e murit dhe ribashkimin gjerman, transmeton albora.ch.
Që atëherë, Gjermania është përpjekur të përdorë lidhje tregtare, biznesi dhe energjie për të integruar një Rusi paqësore në Perëndim.
Por pushtimi i Presidentit Vladimir Putin në Ukrainë tre javë më parë ka shkatërruar shumë nga ato aspirata.
Zelensky shprehu indinjatën që disa biznese gjermane po operonin ende në Rusi. Tubacioni i diskutueshëm – tashmë i anuluar – ruso-gjerman i gazit Nord Stream 2 ishte “çimento për atë mur të ri” që ndan Evropën, tha ai.
Ngurrimi i vazhdueshëm i Gjermanisë për të lejuar Ukrainën në Bashkimin Evropian ishte “një tjetër tullë” në atë mur të ri. /albora.ch/
Lexo edhe:
