Pushtimi rus i Ukrainës të dielën hyri në muajin e tretë, fundi i luftimeve nuk duket, mijëra janë vrarë, miliona të persekutuar dhe qytete të kthyera në gërmadha.
Përballë sanksioneve në rritje perëndimore dhe rezistencës së ashpër ukrainase të mbështetur nga armët perëndimore, Rusia vazhdon të bombardojë qytete dhe ka nisur një ofensivë të re në lindje.
Sekretari amerikan i shtetit Antony Blinken ka vizituar Kievin, ka konfirmuar këshilltari i presidentit ukrainas, shkruan Sky News. Ai u takua me Presidentin Volodymyr Zelensky për kërkesën e Ukrainës për më shumë armë.
Civilët nuk mund të evakuoheshin sot nga Mariupol dhe Ukraina fajëson forcat ruse për mos ndërprerjen e përkohshme të zjarrit, raporton Sky News. Ukraina bëri thirrje për daljen e sigurt të civilëve nga qyteti, por përpjekjet e shumta për të krijuar korridore humanitare dështuan.
Zëvendëskryeministrja ukrainase Irina Vereshchuk tha se pala e saj do të përpiqet të rivendosë një kalim të sigurt nesër.
Ajo i bëri thirrje Sekretarit të Përgjithshëm të OKB-së Antonio Guterres, i cili do të udhëtojë për në Moskë javën e ardhshme, të kërkojë armëpushim nga Rusia.
Foto: Zelenski e Blinken në maj 2021
