Përjashtimi i Zvicrës nga Horizon Europe dhe frika se studentët më të mirë do të largohen nga vendi, e ka shtyrë Universitetin e Cyrihut të nis një eksperiment inovativ.
Sipas Universitetit, është e nevojshme që studentët më të mirë të mbahen në Konfederatë, kështu që ata do të paguhen që pas diplomimit të vendosin të qëndrojnë në Zvicër, raporton TicinoNews – transmeton Albora.ch.
Fillimi i eksperimentit, që zgjat tre vjet, është planifikuar për fillimin e semestrit të vjeshtës.
Shumat e përfshira, të destinuara për studentët më premtues që ndjekin një master, janë të rëndësishme: 10 mijë franga për semestër për çdo student individual. Gjithsej 40 mijë franga secili për dy vitet që duhen zakonisht për të marrë titullin master.
Këto para, sipas universitetit, do të duhet të mbulojnë shpenzimet e mirëmbajtjes së universitetit. Qëllimi është për të siguruar që studentët më të mirë të mund të fokusohen në studimet e tyre, duke i penguar ata të largohen nga Zvicra në një kontekst të konkurrencës gjithnjë e më të ashpër midis universiteteve për të tërhequr talentet më të mirë.
