Një shqiptar që jeton në Suedi nuk mundet ta marr shtetësinë suedeze, shkruan Albora.ch.
Këshilltari i Behgjet Paciollit, Naim Murseli ka publikuar një rast të refuzimit të shtetësisë suedeze.
Ai në një postimi ka treguar se një shqiptarit nga Kosova i është refuzuar shtetësia në Suedi pasi që ishte pjesëtarë i Ushtrisë Çlirimtare të Kosovës.
“Autoritetet suedeze në vendimin e tyre e konsiderojnë UÇK-në si një organizatë kriminale që ka kryer vrasje”, ka shkruar Murseli në Facebook.
Postimi i plotë:
Një shqiptar me vendbanim në Suedi i cili pas shumë vite qëndrim ka aplikuar për shtetësi suedeze i refuzohet me datë 18 nëntor 2022 për shkak se ka qenë anëtar i UÇK-së gjatë viteve 2000. Autoritetet suedeze në vendimin e tyre e konsiderojnë UÇK-në si një organizatë kriminale që ka kryer vrasje, përdhunime dhe tortura, ndër të tjera, në Maqedoni, kundër policisë dhe civilëve. Një vendim krejtësisht skandaloz që duhet kritikuar!