Megjithëse Zvicra nuk është në Bashkimin Evropian, ajo ofron trajtim të veçantë për shoferët nga vendet anëtare të BE-së.
Duke qenë se Mbretëria e Bashkuar nuk është më një vend anëtar i BE-së, shoferët britanikë do ta humbasin atë trajtim të veçantë, transmeton albora.ch.
Sidoqoftë, kjo nuk do të thotë që ju duhet të kaloni në autostop ose të nxitoni për një vend në transportin publik – do të lejoheni të vozitni akoma në Zvicër, me kusht që të respektoni rregullat.
Nëse jeni një punëtor ndërkufitar që jeton në një vend fqinj, do të zbatohen rregulla të ndryshme.
Në bazë të rregullave të mëparshme, britanikët – dhe kushdo nga vendet e tjera të BE-së – që jetonte në Zvicër lejohej të vozitnin në rrugët zvicerane deri në një vit pasi kishin lëvizur atje me patentën e vendit të tyre të origjinës.
Para se të kishin kaluar 12 muaj, ata do të duhej të ndërronin licencën e tyre britanike me një zvicerane. Sipas ligjit, nëse nuk e ndërroni atë brenda një viti do të thotë që ju duhet të kaloni testet teorike dhe praktike.
Mesazhi në faqen e qeverisë Living in Switzerland thotë se Brexit nuk do të ndryshojë rregullat, kështu që britanikët që jetojnë në Zvicër do të vazhdojnë të kenë një vit kohë për të shkëmbyer licencën e tyre nëse janë rezidentë.
Ndryshimi i licencës brenda një viti pas transferimit në Zvicër është relativisht i lehtë dhe nuk kërkon ndonjë test shtesë.
Sidoqoftë, do t’ju duhet të sillni sa vijon: një formular aplikimi të plotësuar, patentë shoferi origjinal (me përkthim nëse është e aplikueshme), leje qëndrimi (dhe certifikatë qëndrimi nëse keni), dy foto pasaporte me ngjyra dhe një certifikatë nga një okulist i kualifikuar.
Nëse po aplikoni për një licencë të klasës 3, do t’ju duhet gjithashtu një certifikatë mjekësore.
Ju do të duhet të ndërroni licencën në autoritetin tuaj kantonal dhe kostoja për ta bërë këtë varion nga kantoni në kanton./albora.ch/
