Numri i kërcënimeve të drejtuara ndaj zyrtarëve të zgjedhur si dhe anëtarëve të Këshillit Federal është rritur ndjeshëm në vitin 2021, sipas raportit të ri vjetor të policisë federale (Fedpol).
Janë raportuar gjithsej 1215 raste, krahasuar me 885 në 2020 dhe 246 në 2019, ransmeton The Local.
“Me ardhjen e Covid-it, disa njerëz nuk mund të mbanin më zemërimin e tyre ndaj masave të vendosura”, tha Fedpol.
Për shembull, Ministri i Shëndetësisë Alain Berset, i cili kishte qenë “fytyra” më publike e pandemisë në 2020 dhe 2021, mori kërcënime me vdekje dhe kreu i Komisionit Zviceran të Vaksinimit Christoph Berger u rrëmbye kohët e fundit nga një skeptik ndaj koronës.
Siç tha Pascal Sciarini, profesor i shkencave politike në Universitetin e Gjenevës për The Local në janar, kundërshtimi ndaj masave të Covid “arriti një shkallë jashtëzakonisht të lartë agresioni, me kërcënime me vdekje ndaj politikanëve të ndryshëm, gjë që është padyshim e pazakontë dhe e lidhur me polarizimin e fortë të qëndrimet e nxitura nga pandemia”.
Foto: Pixabay (Ilustrim)
