Aksionet e Meta (Facebook) ranë 25% në Wall Street, pas rezultateve zhgënjyese financiare, duke shkaktuar humbje prej gati 200 miliardë dollarësh nga kapitalizimi i grupit të Mark Zuckerberg.
Në orën 16:35, aksioni i Meta Platforms, kompania mëmë e Facebook, ra ndjeshëm me 25.81% në 239.56 dollarë, duke bërë që indeksi Nasdaq të bjerë (-2.29%).
Gjigandi i mediave sociale, i cili humbi përdoruesit në Amerikën e Veriut për herë të parë në historinë e tij, njoftoi dje, pas mbylljes së transaksioneve, ulje të fitimeve në tremujorin e katërt dhe një perspektivë rritjeje më të ngadaltë në tremujorin e parë të vitit.
Kjo rënia e madhe e çmimit të aksioneve të Facebook erdhi në një kohë kur kompania po bën një ndryshim të madh drejt realitetit virtual , siç kishte paralajmëruar Mark Zuckerberg kohë më parë.
Kjo është rënia më e madhe e aksioneve të Metës në historinë e saj. Një rënie e përafërt kishte ndodhur edhe më 26 korrik 2018, kur u “humbën” 120 miliardë dollarë./albora.ch/
