Të paktën 18 persona janë vrarë pasi dy raketa ruse goditën një ndërtesë apartamentesh shumëkatëshe dhe një qendër rekreacioni në qytetin port jugor të Odesa në orët e para të së premtes, thanë zyrtarët ukrainas.

Marketing

Shërbimet e urgjencës shtetërore të Ukrainës (SES) thanë se që nga ora 6 e mëngjesit të së premtes, 15 persona ishin vrarë dhe 30 u plagosën – përfshirë tre fëmijë – në sulmin në ndërtesën e apartamenteve.

Tre persona – përfshirë një fëmijë – u vranë në një sulm të veçantë në një qendër rekreative, me një të plagosur, tha SES, transmeton Telegrafi.

Deputeti ukrainas, Roman Hryshchuk, ndau një video të një gruaje që po kërkonte ndihmë gjatë sulmeve të ushtrisë ruse.

“Vetëm imagjinoni: zgjoheni dhe kuptoni se nuk ka rrugëdalje. Njerëzit u bllokuan në apartamentet e tyre pasi raketat ruse goditën një ndërtesë të lartë rezidenciale në Odesa”, shkroi ai krahas videos.

Ndryshe, Rusia ka vazhduar me sulme të njëpasnjëshme ndaj shtetit ukrainas që nga 24 shkurti i këtij viti.

Foto: Screenshot

Marketing