Kryeministri i Kosovës, Albin Kurti ka bërë të ditur se ka miratuar propozimin e vendimit për obligimin e bizneseve që t’u shërbejnë ujë klientëve.
“Shqyrtimi për propozimin vendimit për obligimin e bizneseve për shërbim të klientëve me ujë nga rubineti dhe monitorimin e cilësisë për ujë të destinuar për konsum njerëzor”, ka thënë Kurti.
“Çdo objekt i gastronomisë, i cili ofron shërbime dhe ujë për pije, duhet të përmbushë disa kërkesave paraprake për garantimin e cilësisë së ujit”.
Për këtë, ministri i Shëndetësisë, Rifat Latifi, theksoi edhe rregullat që duhet të zbatojnë objektet e gastronomisë.
“Me qëllim të vendosjes së standardeve të cilësive të ujit të destinuar për konsum njerëzor dhe në mënyrë që të mbrohet shëndeti i njeriut nga efektet negative të ndotjes së ujit të destinuara për konsum për njerëzor”.
“Në rastet kur objekti i gastronomisë furnizohet me ujë nga ujësjellësit publikë, pronarët e bizneseve e nuk mund të ndalojnë klientët të shërbehen me ujë rubineti”, theksoi Latifi.
“Në rastet kur objekti i gastronomisë pretendohet se furnizohet me ujë të puseve, Pronari i biznesit obligohet që të hartojë dhe zbatojë obligimin e cilësisë së ujit dhe të pajiset me certifikatë të cilësisë së ujit nga IKSHPK-ja dhe këtë ta ekspozojë në lokal”.
