Pëllumbi më i madh i paqes në botë u ndez të shtunën në Grosse Mythen në kantonin Schwyz. Me projeksionin, simboli i paqes në zemër të Evropës do të përhapej në botë. Fushata iu kushtua fëmijëve në nevojë në Ukrainë.
Bota e shikon Ukrainën me tmerr. Mbi 1.5 milionë fëmijë u është dashur të largohen nga vendi i tyre, Ukraina. Njerëz të panumërt u plagosën dhe vdiqën.
Familjet janë copëtuar në kufi sepse baballarët po shkojnë në luftë, transmeton albora.ch.
Me një aksion të së shtunës, Unicef tani ka vendosur një shenjë për paqen. Në faqen shkëmbore të Grosse Mythen në kantonin Schëyz, ata projektuan një pëllumb paqeje mbi një kilometër të gjatë. Sipas Fondit të OKB-së për Fëmijët, fushata kishte për qëllim të tërheqë vëmendjen ndaj fëmijëve në nevojë në Ukrainë. Me përmasat e tij, pëllumbi i paqes është imazhi më i madh i këtij lloji i projektuar ndonjëherë.
Lexo edhe:
Motivi i pëllumbit të paqes është krijuar nga artistja zvicerane Simone Torelli. UNICEF i referohet Konventës për të Drejtat e Fëmijës, sipas së cilës çdo fëmijë ka të drejtë të rritet i shëndetshëm dhe i sigurt, të zhvillojë potencialin e tij, të dëgjohet dhe të merret seriozisht, të drejta që aktualisht janë duke u kufizuar rëndë në Ukrainë.
“Efektet e përshkallëzimit të konfliktit mbi popullatën civile po marrin përmasa të frikshme. Fëmijët vuajnë më shumë”, thotë Bettina Junker, Drejtoreshë Menaxhuese e Unicef-it në Zvicër dhe Lihtenshtajn.
“Familje të panumërta janë shkëputur papritur nga jeta e tyre e përditshme dhe miliona fëmijë janë ende në mes të zonave të konfliktit. Ata të gjithë përjetojnë të paimagjinueshmen dhe kanë nevojë për paqe. Tani”, përfundoi ajo. /albora.ch/
