Një 20 vjeçar shqiptar është arrestuar në Fidenza të Italisë gjatë mbrëmjes së ndërrimit të viteve. I riu shqiptar pësoi një aksident teksa u përplas me një shtyllë ndriçimi gjatë kohës që qarkullonte me makinë.

Marketing

Sipas raportimeve nga mediat italiane, brenda makinës ishte edhe një tjetër bashkëatdhetar i të riut. Gjthashtu, gjatë kontrollit të bërë u konstatua se i riu që drejtonte makinën nuk kishte patentë. Ndërsa në derën e automjetit u gjetën doza kokaine dhe kanabisi.

Më tej karabinierët kontrolluan edhe dhomën e hotelit ku po qëndronin dy të rinjtë ku gjetën doza të tjera kanabisi dhe një pistoletë ‘Beretta’.

Ndaj 20 vjeçarit shqiptar rëndon akuza e posedimit të lëndëve narkotike dhe të armëve pa leje.

Marketing