Organizata Botërore e Shëndetësisë, e cila u kërkoi autoriteteve të rrisin përpjekjet për vaksinim, vuri në pah se një valë e re infektimesh  nga varianti Omikron i koronavirusit po lëviz drejt Europës Lindore.

Marketing

Gjatë dy javëve të fundit, rastet e Covid-19 janë dyfishuar në Armeni, Azerbajxhan, Bjellorusi, Gjeorgji, Rusi dhe Ukrainë. Kështu  deklaroi drejtori rajonal i OBSH-së për Europën, Hans Kluge.

Deklaratat vijnë në një kohë kur disa vende europiane, përfshirë Republikën Çeke dhe Poloninë, po planifikojnë lehtësimin e kufizimeve të Covid-19 gjatë muajit të ardhshëm.

“Përballë valës së Omicron dhe qarkullimin e Deltas, nuk është momenti për të hequr masat që dihet se funksionojnë në frenimin e përhapjes së Covid-19”, tha Kluge.

Ai theksoi se në mesin e këtyre masave përfshihet shmangia e ngjarjeve me shumë persona, vendosja e maskës në ambiente të brendshme dhe kryerja e testeve të shpejta për të identifikuar sa më herët rastet e infektimit./albora.ch/

Marketing