Diplomacia kosovare tashmë e ka njeriun e saj në Departament të Shtetit, ku amerikanët e quajnë këtë si zhvillim historik.
Departamenti Amerikan i Shtetit përmes llogarisë zyrtare në Twitter shkruan se ka mirëpritur oficeren Leci.
“Sot Departamenti amerikan i Shtetit ka mirëpritur Merdiana Leci si zyrtarja e parë ndërlidhëse diplomatike e Kosovës me Departamentin e Shtetit. Kjo marrëveshje historike do të forcojë më tej mirëkuptimin dhe bashkëpunimin ndërmjet Shteteve të Bashkuara, Kosovës dhe partnerëve në prioritetet e përbashkëta të politikës së jashtme”.
Ambasadori amerikan në Kosovë, Jeff Hovenier, më 11 janar të këtij viti pati knjoftuar se Merdiana Leci do të jetë zyrtarja ndërlidhëse e Kosovës në Departamentin amerikan të Shtetit./albora.ch/
Today @StateDept_NEA welcomed @MFAKosovo’s Merdiana Leci as Kosovo’s first diplomatic liaison officer with @StateDept. This historic arrangement will further strengthen understanding & cooperation between the United States, Kosovo, & partners on shared foreign policy priorities. pic.twitter.com/lTuDgz0cHJ
— U.S. State Dept – Near Eastern Affairs (@StateDept_NEA) February 16, 2022
