Presidenti francez, Emmanuel Macron, Macron dëshiron të forcojë Shengenin dhe të krijojë një Këshill Shengen.
Macron ka bërë të ditur përmes fjalimit të mbajtur para ministrave të brendshëm të BE-së, se Zvicra duhet të jetë pjesë e Këshillit të ri Shengen të planifikuar rishtazi, raporton Tagesanzeiger – transmeton Albora.ch.
Këshilltarja Federale, Karin Keller-Sutter, tha se presidenti i Francës dha një përgjigje të shkurtë dhe shumë pozitive.
“Sigurisht, Zvicra është atje.”, citohet të ketë thënë Macron.
Temat kryesore në takimin e ministrave të brendshëm të BE-së janë Shengen dhe migracioni. Fokusi është në luftimin e migracionit dytësor, tha kreu i Departamentit Federal të Drejtësisë dhe Policisë. Migrimi dytësor është “migrimi” i refugjatëve dhe emigrantëve brenda Evropës.
Zvicra është pjesë e zonës Shengen, në të cilën mund të udhëtoni lirshëm – pra pa treguar kartën e identitetit. Gjithsej 26 vende evropiane janë pjesë e Shengenit. Politika e BE-së për azilin njihet si “Dublin”. Këtu përfshihet edhe Zvicra./albora.ch/
